Thatta Shehar Nagina

(ਪ.ਲਾ. ਭੋ.)- ਬਾਬਾ ਨਾਥ ਸਪੋਰਟਸ ਐਂਡ ਵੈੱਲਫੇਅਰ ਕਲੱਬ ਸੈਦਪੁਰ ਵੱਲੋਂ ਬਾਬਾ ਹੀਰਾ ਸਿੰਘ ਜੀ ਤੇ ਬਾਬਾ ਨਾਥ ਜੀ ਨੂੰ ਸਮਰਪਿਤ ਜੋੜ ਮੇਲੇ ‘ਤੇ ਇਕ ਰੋਜ਼ਾ ਕਬੱਡੀ ਟੂਰਨਾਮੈਂਟ 3 ਅਪ੍ਰੈਲ ਨੂੰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੈਦਪੁਰ ਵਿਖੇ ਕਰਵਾਇਆ ਜਾ ਰਿਹਾ ਹੈ | ਕਲੱਬ ਮੈਂਬਰਾਂ ਨੇ ਦੱਸਿਆ ਕਿ ਟੂਰਨਾਮੈਂਟ ਦਾ ਉਦਘਾਟਨ ਸੰਤ ਬਾਬਾ ਗੁਰਚਰਨ ਸਿੰਘ ਕਾਰ ਸੇਵਾ ਦਮਦਮਾ ਸਾਹਿਬ ਠੱਟਾ ਵਾਲੇ ਕਰਨਗੇ, ਜਦਕਿ ਖੇਡ ਮੇਲੇ ਦੇ ਮੁੱਖ ਮਹਿਮਾਨ ਸੰਤ ਬਾਬਾ ਬਲਬੀਰ ਸਿੰਘ ਸੀਚੇਵਾਲ ਤੇ ਸੰਤ ਬਾਬਾ ਦਇਆ ਸਿੰਘ ਟਾਹਲੀ ਸਾਹਿਬ ਵਾਲੇ ਹੋਣਗੇ | ਓਪਨ ਕਬੱਡੀ ਮੈਚਾਂ ਵਿਚ ਸੱਦੀਆਂ ਟੀਮਾਂ ਹੀ ਭਾਗ ਲੈਣਗੀਆਂ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਮੇਲੇ ਦੀ ਰੌਣਕ ਨੂੰ ਵਧਾਉਣ ਲਈ 72 ਕਿੱਲੋ ਭਾਰ ਵਰਗ ਦੇ ਮੈਚ ਵੀ ਕਰਵਾਏ ਜਾਣਗੇ |

ਹਰ ਸਾਲ ਦੀ ਤਰਾਂ ਹੋਲੇ ਮਹੱਲੇ ਦੇ ਸਬੰਧ ਵਿੱਚ ਪਿੰਡ ਠੱਟਾ ਦੀ ਸਮੂਹ ਸੰਗਤ ਅਤੇ ਮੁੰਡੀ ਮੋੜ ਦੇ ਦੁਕਾਨਦਾਰਾਂ ਵੱਲੋਂ ਨੌਜਵਾਨ ਵੀਰਾਂ ਦੇ ਵਿਸ਼ੇਸ਼ ਉਪਰਾਲੇ ਨਾਲ ਪਿੰਡ ਮੁੰਡੀ ਮੋੜ ਵਿਖੇ ਦੋ ਦਿਨ ਚਾਹ-ਪਕੌੜਿਆਂ ਦਾ ਲੰਗਰ ਲਗਾਇਆ ਗਿਆ। ਇਸ ਲੰਗਰ ਵਿੱਚ ਪਿੰਡ ਦੇ ਸਮੂਹ ਨੌਜਵਾਨਾਂ ਵੱਲੋਂ ਵੱਧ ਚੜ੍ਹ ਕੇ ਹਿੱਸਾ ਲਿਆ ਗਿਆ। ਜ਼ਿਕਰਯੋਗ ਹੈ ਕਿ ਇਹ ਲੰਗਰ ਸ੍ਰੀ ਅੰਮ੍ਰਿਤਸਰ, ਕਪੂਰਥਲਾ ਅਤੇ ਸ੍ਰੀ ਗੋਇੰਦਵਾਲ ਸਾਹਿਬ ਰੋਡ ਤੋਂ ਸ੍ਰੀ ਅਨੰਦਪੁਰ ਸਾਹਿਬ ਨੂੰ ਜਾਂਦੀਆਂ ਸੰਗਤਾਂ ਲਈ ਲਗਾਇਆ ਜਾਂਦਾ ਹੈ।

ਹੋਲੀ ਰੰਗਾਂ  ਨਾਲ  ਭਰਿਆਂ ਯਾਰੋ  ਤਿਉਹਾਰ ਹੈ ਹੋਲੀ, ਪਿਆਰ  ਮੁਹੱਬਤ  ਭਰਿਆ  ਇਜ਼ਹਾਰ ਹੈ ਹੋਲੀ।   ਛੱਡੋ ਨਫ਼ਰਤ ਅਤੇ  ਫਿਰਕੂਪਣੇ ਦੀਆਂ ਗੱਲਾਂ ਨੂੰ, ਅੱਛਾਈ ਦੀ ਜਿੱਤ ਤੇ ਬੁਰਾਈ ਦੀ ਹਾਰ ਹੈ ਹੋਲੀ । ਆਓ ਮਿਟਾਈਏ ਦੂਰੀ ਜਾਤ-ਪਾਤਾਂ ਤੇ ਧਰਮਾਂ ਦੀ, ਸਭ ਨੂੰ ਗਲ ਨਾਲ ਲਈਏ  ਤਾਂ ਪਿਆਰ ਹੈ ਹੋਲੀ । ਸੌੜੀ ਸਿਆਸਤ ਲਈ ਖੇਡਣ ਪੱਤਾ ਜਾਤ-ਪਾਤਾਂ ਦਾ, ਉਨ੍ਹਾਂ  ਲਈ  ਬਣ ਜਾਏ ਫਿਰ ਲਲਕਾਰ ਹੈ  ਹੋਲੀ । ਰੰਗੀਏ ਰੰਗ ਬੰਸਤੀ ਅਪਨਾਈਏ ਸੋਚ ਸ਼ਹੀਦਾਂ ਦੀ, ਰੰਗੀਏ ਰੰਗ ਦੇਸ ਭਗਤੀ ਦਾ ਰੰਗਦਾਰ ਹੈ  ਹੋਲੀ । ਮਨਦੀਪ ਮਾਣੋ ਰੰਗ  ਹਮੇਸਾਂ ਕੁਦਰਤੀ ਰੰਗਾਂ  ਦਾ, ਕਰਕੇ ਹੁੱਲਰਬਾਜ਼ੀ  ਨਾ ਕਰੋ ਸ਼ਰਮਸਾਰ ਹੈ ਹੋਲੀ ।   ਮਨਦੀਪ ਗਿੱਲ ਧੜਾਕ

ਪਿੰਡ ਠੱਟਾ ਨਵਾਂ ਵਿਖੇ ਮਹਾਨ ਸ਼ਹੀਦ ਸੰਤ ਬਾਬਾ ਬੀਰ ਸਿੰਘ ਜੀ ਦੀ ਪਵਿੱਤਰ ਯਾਦ ਨੂੰ ਸਮਰਪਿਤ ਤੀਸਰਾ ਕਬੱਡੀ ਟੂਰਨਾਮੈਂਟ ਮਿਤੀ 1 ਅਪ੍ਰੈਲ 2016 ਦਿਨ ਸ਼ੁੱਕਰਵਾਰ ਨੂੰ ਸਮੂਹ ਨੌਜਵਾਨ ਵੀਰਾਂ ਵੱਲੋਂ ਵਿਦੇਸ਼ੀ ਵੀਰ, ਗਰਾਮ ਪੰਚਾਇਤ ਠੱਟਾ ਨਵਾਂ ਅਤੇ ਸਮੂਹ ਨਗਰ ਨਿਵਾਸੀ ਦੇ ਸਹਿਯੋਗ ਨਾਲ ਸੰਤ ਬਾਬਾ ਗੁਰਚਰਨ ਸਿੰਘ ਜੀ ਦੀ ਰਹਿਨੁਮਾਈ ਹੇਠ ਪਿੰਡ ਠੱਟਾ ਨਵਾਂ ਦੇ ਖੇਡ ਮੈਦਾਨ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਪ੍ਰਬੰਧਕਾਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਟੂਰਨਾਮੈਂਟ ਦੇ ਪ੍ਰਬੰਧ ਦਾ ਕੰਮ ਆਰੰਭ ਕਰ ਦਿੱਤਾ ਗਿਆ ਹੈ ਅਤੇ ਟੀਮਾਂ ਦਾ ਵੇਰਵਾ ਆਉਣ ਵਾਲੇ ਦਿਨਾਂ ਵਿੱਚ ਜਲਦ ਹੀ ਦੱਸ ਦਿੱਤਾ ਜਾਵੇਗਾ। ਵਧੇਰੇ ਜਾਣਕਾਰੀ ਲਈ ਪ੍ਰਬੰਧਕਾਂ ਨਾਲ 98763-53462, 98729-01007, 98723-45012, 98037-47124 ਨੰਬਰਾਂ ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

ਸ਼ੀਸ਼ੇ ਤਾਂ ਓਹੀ ਨੇ ਪਰ ਯਾਰੋ ਚਿਹਰੇ ਬਦਲ ਗਏ, ਹਾਕਮ ਦੀਆਂ ਚਾਲਾਂ ਉਹੀ ਨੇ ਮੋਹਰੇ ਬਦਲ ਗਏ। ਜੜ੍ਹੋਂ ਹਿੱਲੀ ਹੈ ਵਿਰਾਸਤ, ਪੱਛਮ ਦੀ ਚੱਲੀ ਹਨ੍ਹੇਰੀ, ਖਾਣਾ, ਪਹਿਰਾਵਾ, ਪਰਿਵਾਰ ਤੇ ਬਨੇਰੇ ਬਦਲ ਗਏ। ਮੈਂ ਅੱਜ ਵੀ  ਸੱਚ ਦੇ ਰਾਹਾਂ ਦੀ ਧੂੜ ਫੱਕਦਾ ਹਾਂ, ਪਰ ਸੁਣਿਆਂ ਸੱਜ਼ਣਾਂ! ਰਾਹ ਹੁਣ ਤੇਰੇ ਬਦਲ ਗਏ। ਕਦੇ ਉਹ ਵੀ ਸਮਾਂ ਸੀ ਜਦੋਂ ਸੱਚੀ ਸਹੁੰ ਨਾ ਖਾਂਦੇ ਸੀ, ਰਹੇ ਨ ਰਿਸ਼ਤੇ ਉਹ, ਰਿਸ਼ਤੇ ਤੇਰੇ ਮੇਰੇ ਬਦਲ ਗਏ। ਸਮਾਂ ਸੀ ਉਹ ਸੱਜਣਾਂ ਜਦੋਂ ਹਨੇਰਿਆਂ ਤੋਂ ਡਰਦੇ ਸੀ, ਤੇ ਹੁਣ ਜ਼ਿੰਦਗੀ ਬਦਲੀ ਤੇ ਉਹ ਹਨੇਰੇ ਬਦਲ ਗਏ। ਕੀਹਨੂੰ ਪੁੱਛੀਏ ਸੱਜਣਾਂ ਵੇ! ਸੱਚ ਦੇ, ਸੱਚੇ ਸਿਰਨਾਵੇਂ, ਗੁੰਗੇ ਹੋਏ ਨੇ ਫਰਿਸ਼ਤੇ ਤੇ ਰਾਹ ਦਸੇਰੇ ਬਦਲ ਗਏ। ਭੁੱਲਣ ਵਾਲਿਆਂ ਚ ਨਾਮ ਕੀ ਲੈਣਾ ਮਨਦੀਪ ਤੇਰਾ! ਯਾਦ ਰੱਖਣ ਵਾਲੇ ਤਾਂ ਹੋਰ ਵੀ ਬਥੇਰੇ ਬਦਲ ਗਏ। -ਮਨਦੀਪ ਗਿੱਲ ਧੜਾਕ

ਪਰਸਨ ਲਾਲ ਭੋਲਾ)-ਬੀ.ਐਸ.ਟੀ. ਸੀਨੀਅਰ ਸੈਕੰਡਰੀ ਸਕੂਲ ਸੂਜੋਕਾਲੀਆ ਵਿਖੇ ਅੱਜ ਸਕੂਲ ਪ੍ਰਬੰਧਕ ਕੈਪਟਨ ਤਜਿੰਦਰ ਸਿੰਘ ਖ਼ਾਲਸਾ (ਐਮ.ਡੀ) ਜਸਵਿੰਦਰ ਸਿੰਘ ਖ਼ਾਲਸਾ ਮੈਨੇਜਰ ਅਤੇ ਪਿ੍ੰਸੀਪਲ ਸੁਰਿੰਦਰ ਕੌਰ ਅਨੇਜਾ ਵੱਲੋਂ ਸਾਇੰਸ ਸਿਟੀ ਵਿਖੇ ਹੋਏ ਫਲਾਵਰ ਸ਼ੋਅ ਮੁਕਾਬਲੇ ਵਿਚ ਭਾਗ ਲੈਣ ਤੇ ਇਨਾਮ ਹਾਸਲ ਕਰਨ ਵਾਲੇ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ ਕੀਤਾ ਗਿਆ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪਿ੍ੰਸੀਪਲ ਸੁਰਿੰਦਰ ਕੌਰ ਅਨੇਜਾ ਨੇ ਦੱਸਿਆ ਕਿ ਇਸ ਮੁਕਾਬਲੇ ਵਿਚ ਬੀ.ਐਸ.ਟੀ. ਸਕੂਲ ਸੂਜੋਕਾਲੀਆ ਦੇ ਵਿਦਿਆਰਥੀ ਇਸ ਪ੍ਰਤੀਯੋਗਤਾ ਵਿਚ ਖਿੱਚ ਦਾ ਕੇਂਦਰ ਬਣੇ ਰਹੇ | ਮੁਕਾਬਲੇ ਵਿਚ ਬੀ.ਐਸ.ਟੀ. ਸਕੂਲ ਦੀ ਵਿਦਿਆਰਥਣ ਰਵਨੀਤ ਕੌਰ ਜਮਾਤ ਨੌਵੀਂ ਨੇ ‘ਫਰੈਸ਼ ਫਲਾਵਰ’ ਕੈਟਾਗਰੀ ਵਿਚ ਪਹਿਲਾ ਸਥਾਨ ਅਤੇ ਗਗਨਦੀਪ ਕੌਰ ਜਮਾਤ ਦਸਵੀਂ ਵੱਲੋਂ ‘ਡਰਾਇ ਫਲਾਵਰ’ ਕੈਟਾਗਰੀ ਵਿਚ ਵਿਸ਼ੇਸ਼ ਇਨਾਮ ਹਾਸਲ ਕੀਤਾ | ਇਸ ਮੌਕੇ ‘ਤੇ ਬੱਚਿਆਂ ਦਾ ਸਨਮਾਨ ਕਰਨ ਲਈ ਸੀਨੀਅਰ ਕਲਰਕ ਅਵਤਾਰ ਸਿੰਘ, ਸ਼ਰਨਜੀਤ ਕੌਰ, ਸ਼ਿਵਾਨੀ ਅਤੇ ਰਜਨੀ ਜਿਨ੍ਹਾਂ ਬੱਚਿਆਂ ਨੂੰ ਵਿਸ਼ੇਸ਼ ਤੌਰ ‘ਤੇ ਮੁਕਾਬਲੇ ਲਈ ਤਿਆਰ ਕੀਤਾ ਸੀ ਵੀ ਮੌਜੂਦ ਸਨ |

ਕੌਣ ਸਿੰਜੇ ਕਿੱਕਰਾਂ ਨੂੰ , ਕੌਣ ਪਾਲੇ ਝਾੜ੍ਹੀਆ, ਧੀਆਂ ਨੂੰ ਲੋਕੀ ਕਹਿੰਦੇ ਐ ਨੇ ਕਰਮਾਂ ਮਾਰੀਆਂ। ਕੋਈ ਨਾ ਇਨ੍ਹਾਂ ਦੇ ਗੁਣ ਵੇਖੇ, ਸਭ ਵੇਖਦੇ ਨੇ ਦਾਜ ਨੂੰ, ਪਤਾ ਨਹੀਂ ਕੀ ਹੋ ਗਿਆ ਹੈ, ਚੰਦਰੇ ਇਸ ਸਮਾਜ ਨੂੰ। ਦਾਜ ਦੇ ਲੋਭੀ ਇਥੇ ਸਾੜ੍ਹਦੇ ਨੇ ਲਾੜ੍ਹੀਆ, ਧੀਆਂ ਨੂੰ ਲੋਕੀ ਕਹਿੰਦੇ ਐ ਨੇ ਕਰਮਾਂ ਮਾਰੀਆਂ। ਪੁੱਤ ਜੰਮਣ ਤੇ ਲੋਕੀ ਲੱਡੂ ਵੰਡਣ, ਪਰ ਧੀ ਜੰਮਣ ਤੇ ਰੋਂਦੇ ਨੇ, ਕੁਝ ਤਾਂ ਜੰਮਣ ਤੋਂ ਪਹਿਲਾ ਹੀ, ਕੁੱਖਾਂ ‘ਚ ਮਾਰ ਮਕਾਉਂਦੇ ਨੇ। ਗੱਲਾਂ ਕਰਦੇ ਨੇ ਮਾਪੇ ਜੱਗ ਤੋਂ ਨਿਆਰੀਆਂ, ਧੀਆਂ ਨੂੰ ਲੋਕੀ ਕਹਿੰਦੇ ਐ ਨੇ ਕਰਮਾਂ ਮਾਰੀਆਂ। ਮਨਦੀਪ ਗੱਲ ਨਾ ਸਮਝਣ ਲੋਕੀ, ਔਰਤ ਬਿਨ ਦੁਨੀਆਂ ਅਧੂਰੀ ਏ, ਪਛਤਾਉਣਗੇ ਲੋਕੀ ਇੱਕ ਦਿਨ, ਜਦੋਂ ਹੋਣੀ ਇਹ ਗੱਲ ਪੂਰੀ ਏ। ਪੁਸਤਾਂ ਚਲਾਉਦੀਆਂ ਨੇ ਆਖਿਰ ਇਹੋ ਨਾਰੀਆਂ, ਧੀਆਂ ਨੂੰ ਲੋਕੀ ਕਹਿੰਦੇ ਐ ਨੇ ਕਰਮਾਂ ਮਾਰੀਆਂ। ਧੀਆਂ ਨੂੰ ਲੋਕੀ ਕਹਿੰਦੇ ਐ ਨੇ ਕਰਮਾਂ ਮਾਰੀਆਂ। -ਮਨਦੀਪ ਗਿੱਲ ਧੜਾਕ

 

ਆਪ ਜੀ ਨੂੰ ਬੜੇ ਹੀ ਵੈਰਾਗਮਈ ਹਿਰਦੇ ਨਾਲ ਸੂਚਿਤ ਕੀਤਾ ਜਾਂਦਾ ਹੈ ਕਿ ਬਾਪੂ ਸੋਹਣ ਸਿੰਘ ਖੋਜਾ ਵਾਸੀ ਪਿੰਡ ਠੱਟਾ ਨਵਾਂ ਕੱਲ੍ਹ ਮਿਤੀ 5 ਮਾਰਚ ਦਿਨ ਸਨਿੱਚਰਵਾਰ ਸ਼ਾਮ 4 ਵਜੇ ਅਕਾਲ ਚਲਾਣਾ ਕਰ ਗਏ ਹਨ। ਉਹਨਾਂ ਦਾ ਅੰਤਿਮ ਸਸਕਾਰ ਅੱਜ ਮਿਤੀ 6 ਮਾਰਚ ਦਿਨ ਐਤਵਾਰ ਸ਼ਵੇਰੇ 11 ਵਜੇ ਸ਼ਮਸ਼ਾਨ ਘਾਟ ਠੱਟਾ ਵਿਖੇ ਪਰਿਵਾਰਕ ਮੈਂਬਰਾਂ, ਰਿਸ਼ਤੇਦਾਰਾਂ ਅਤੇ ਪਿੰਡ ਵਾਸੀਆਂ ਦੀ ਹਾਜ਼ਰੀ ਵਿੱਚ ਕੀਤਾ ਜਾਵੇਗਾ।

ਪਿੰਡ ਠੱਟਾ ਨਵਾਂ ਦੀ ਸਰਪੰਚ ਸ੍ਰੀਮਤੀ ਜਸਵੀਰ ਕੌਰ ਨੇ ਪੰਜਾਬ ਦੇ 163 ਪੋਸਟ ਗਰੈਜੂਏਟ ਅਤੇ ਜ਼ਿਲ੍ਹਾ ਕਪੂਰਥਲਾ ਦੇ ਸਭ ਤੋਂ ਵੱਧ ਪੜ੍ਹੇ ਲਿਖੇ ਸਰਪੰਚਾਂ ਦੀ ਸੂਚੀ ਵਿੱਚ ਆਪਣਾ ਨਾਮ ਦਰਜ਼ ਕਰਵਾ ਕੇ ਜ਼ਿਲ੍ਹਾ ਕਪੂਰਥਲਾ, ਪਿੰਡ ਅਤੇ ਇਲਾਕੇ ਦਾ ਮਾਣ ਵਧਾਇਆ ਹੈ। ਅਜੀਤ ਅਖਬਾਰ ਵੱਲੋਂ ਇਕੱਤਰ ਕੀਤੇ ਗਏ ਅੰਕੜਿਆਂ ਮੁਤਾਬਕ ਪੰਜਾਬ ਦੇ ਕੁੱਲ 13028 ਪਿੰਡਾਂ ਦੇ ਸਰਪੰਚਾਂ ‘ਚੋਂ ਸੂਬੇ ਵਿਚ ਪੋਸਟ ਗਰੈਜੂਏਟ ਕੇਵਲ 163 ਸਰਪੰਚ, 1049 ਗਰੈਜੂਏਟ, ਜਦਕਿ ਮੈਟ੍ਰਿਕ ਪਾਸ ਦੀ ਗਿਣਤੀ ਸਭ ਤੋਂ ਵੱਧ 4565 ਹੈ। ਇਸ ਤੋਂ ਇਲਾਵਾ 1989 ਸਰਪੰਚ ਪ੍ਰਾਇਮਰੀ ਪਾਸ ਹਨ ਅਤੇ ਅਜੇ ਵੀ 1485 ਸਰਪੰਚ ਅੱਖ਼ਰ ਗਿਆਨ ਤੋਂ ਵਿਹੂਣੇ ਹਨ ਅਤੇ ਪਹਿਲੇ ਪੰਜ ਜ਼ਿਲ੍ਹਿਆਂ ਵਿਚੋਂ ਸਭ ਤੋਂ ਪਿੱਛੇ ਸਰਹੱਦੀ ਜ਼ਿਲ੍ਹਾ ਫ਼ਿਰੋਜ਼ਪੁਰ ਹੈ। ਇਸੇ ਪ੍ਰਕਾਰ ਸੂਬੇ ਵਿਚ ਸਭ ਤੋਂ ਵੱਧ ਪੜੇ ਲਿਖ਼ੇ ਲੋਕਾਂ ਵਾਲੇ ਜ਼ਿਲ੍ਹੇ ਦਾ ਦਰਜ਼ਾ ਪ੍ਰਾਪਤ ਹੁਸ਼ਿਆਪੁਰ ਹੀ ਇਕ ਅਜਿਹਾ ਜ਼ਿਲ੍ਹਾ ਹੈ ਜਿਥੇ ਮੈਟ੍ਰਿਕ ਤੋਂ ਲੈ ਕੇ ਪੋਸਟ ਗਰੈਜੂਏਟਾਂ ਦੀ ਗਿਣਤੀ ਸਭ ਤੋਂ ਵੱਧ ਹੈ। ਹੁਸ਼ਿਆਪੁਰ ਵਿਚ ਬੀ. ਏ. ਪਾਸ ਸਰਪੰਚਾਂ ਦੀ ਗਿਣਤੀ 145 ਅਤੇ 26 ਪੋਸਟ ਗਰੈਜੂਏਟ ਸਰਪੰਚ ਹਨ। ਦੂਜੇ ਪਾਸੇ ਪਹਿਲੇ ਪੰਜ ਗਰੈਜੂਏਟ ਸਰਪੰਚਾਂ ਵਾਲੇ ਜ਼ਿਲ੍ਹਿਆਂ ਵਿਚੋਂ ਗੁਰਦਾਸਪੁਰ ਦੂਜੇ ਨੰਬਰ ‘ਤੇ, 77 ਸਰਪੰਚਾਂ ਨਾਲ ਲੁਧਿਆਣਾ ਤੀਸਰੇ, 74 ਸਰਪੰਚਾਂ ਨਾਲ ਜ਼ਿਲ੍ਹਾ ਪਟਿਆਲਾ ਚੌਥੇ, 66 ਗਰੈਜੂਏਟ ਸਰਪੰਚਾਂ ਨਾਲ ਜਲੰਧਰ 5ਵੇਂ ਸਥਾਨ ‘ਤੇ ਹੈ। ਪੋਸਟ ਗਰੈਜੂਏਟ ਸਰਪੰਚਾ...

ਜਿਹੜਾ ਵੇਲਾ ਲੰਘੇ ਉਹਦਾ ਸ਼ੁਕਰ ਮਨਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। ਉਹਦੀਆਂ ਉਹ ਜਾਣੇ ਜਿਨ ਸ੍ਰਿਸ਼ਟੀ ਰਚਾਈ ਏ, ਸਾਹਾਂ ਵਾਲੀ ਚਾਬੀ ਭਰ ਮਿੱਟੀ ‘ਚ ਟਿਕਾਈ ਏ। ਮਿੱਟੀ ਦੇ ਖਿਡੌਣੇ ਆਂ ਜੀ ਮਿੱਟੀ ਮਿਲ ਜਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। ਹੁੰਦੇ ਤਾਣ ਬੰਦਾ ਕਦੇ ਮੋਹ ਨਈਂ ਵਿਸਾਰਦਾ, ਸਭ ਕੁਝ ਹਾਰੇ ਪਰ “ਮੈਂ” ਨਈਂ ਉਹ ਹਾਰਦਾ। ਝੂਠੇ ਮਾਇਆ ਜਾਲ ਨਾ ਨਈਂ ਆਪਾ ਭਰਮਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। ਬਹਿਕੇ ਉੱਚੀ ਸ਼ਾਖ਼ਾ ਪੰਛੀ ਮੱਲਾਂ ਰਹਿੰਦਾ ਮੱਲਦਾ, ਮਾਲੀ ਦਾ ਨਾ ਭੇਦ ਜਾ ਸ਼ਿਕਾਰੀਆਂ’ ਚ ਰੱਲਦਾ। ਤੋੜ ਨਈਂਓ ਕੋਈ ਵੀ ਉੁਹਦੀ ਨਜ਼ਰ ਟਿਕਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। ਸਾਂਭ ਕੇ ਤੂੰ ਰੱਖ “ਜੀਤ “ਬੋਲਾਂ ਵਾਲੇ ਬਾਣ ਨੀ, ਰਿਸ਼ਤੇ ਪਿਆਰਿਆਂ ਦੇ ਹੋ ਨਾ ਜਾਣ ਘਾਣ ਨੀ। ਹੋਵੇ ਜੰਗ ਸ਼ਬਦਾਂ ਦੀ ਕਦੇ ਹਰ ਵੀ ਆ ਜਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। ਉਧਾਰਿਆਂ ਸਾਹਾਂ ਦਾ ਨਈਂਓ ਜਸ਼ਨ ਮਨਾਈਦਾ, ਉਧਾਰਿਆਂ ਸਾਹਾਂ ਦਾ ਨਈਂਓ ਮਾਣ ਜਤਾਈਦਾ। -ਸੁਰਜੀਤ ਕੌਰ ਬੈਲਜ਼ੀਅਮ

(ਅਮਰਜੀਤ ਕੋਮਲ)-ਸਿਰਜਣਾ ਕੇਂਦਰ ਕਪੂਰਥਲਾ ਵੱਲੋਂ ਨਵਾਬ ਜੱਸਾ ਸਿੰਘ ਆਹਲੂਵਾਲੀਆ ਸਰਕਾਰੀ ਕਾਲਜ ਕਪੂਰਥਲਾ ਦੇ ਪੰਜਾਬੀ ਵਿਭਾਗ ਦੇ ਪ੍ਰੋਫੈਸਰ, ਉੱਘੇ ਲੇਖਕ ਤੇ ਆਲੋਚਕ ਡਾ. ਸੁਖਪਾਲ ਸਿੰਘ ਥਿੰਦ ਦੇ ਸਨਮਾਨ ਵਿਚ ਇਕ ਸਮਾਗਮ ਕਰਵਾਇਆ ਗਿਆ, ਜਿਸ ਦੇ ਪ੍ਰਧਾਨਗੀ ਮੰਡਲ ਵਿਚ ਪ੍ਰੋ: ਹਰਜੀਤ ਸਿੰਘ ਅਸ਼ਕ, ਪਿ੍ੰ. ਜਗਮਿੰਦਰ ਕੌਰ, ਸਿਰਜਣਾ ਕੇਂਦਰ ਦੇ ਪ੍ਰਧਾਨ ਚੰਨ ਮੋਮੀ, ਪ੍ਰੋ: ਕੁਲਵੰਤ ਸਿੰਘ ਔਜਲਾ, ਡਾ: ਸੁਖਪਾਲ ਸਿੰਘ ਥਿੰਦ, ਸ਼ਾਇਰ ਕੰਵਰ ਇਕਬਾਲ, ਬਲਵੰਤ ਸਿੰਘ ਬੱਲ, ਪਿ੍ੰਸੀਪਲ ਜੰਗ ਬਹਾਦਰ ਸਿੰਘ ਘੁੰਮਣ, ਸੂਬੇਦਾਰ ਸ਼ਿਵ ਸਿੰਘ ਕਾਹਲਵਾਂ ਤੇ ਰੌਸ਼ਨ ਖੈੜਾ ਆਦਿ ਸੁਸ਼ੋਭਿਤ ਸਨ | ਸਮਾਗਮ ਦੇ ਆਰੰਭ ‘ਚ ਡਾ: ਸਰਦੂਲ ਸਿੰਘ ਔਜਲਾ ਨੇ ਡਾ: ਸੁਖਪਾਲ ਸਿੰਘ ਥਿੰਦ ਦੀਆਂ ਸਾਹਿਤਕ ਗਤੀਵਿਧੀਆਂ ਬਾਰੇ ਜਾਣ ਪਹਿਚਾਣ ਕਰਵਾਈ | ਉਪਰੰਤ ਪ੍ਰਧਾਨਗੀ ਮੰਡਲ ਵੱਲੋਂ ਡਾ: ਸੁਖਪਾਲ ਸਿੰਘ ਥਿੰਦ ਨੂੰ ਰਾਜ ਕੁਮਾਰ ਕੁਮਰਾ ਯਾਦਗਾਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ | ਇਸ ਸਨਮਾਨ ਵਿਚ ਉਨ੍ਹਾਂ ਨੂੰ ਸਨਮਾਨ ਪੱਤਰ, ਲੋਈ, ਨਕਦ ਰਾਸ਼ੀ ਤੇ ਯਾਦਗਾਰੀ ਚਿੰਨ੍ਹ ਦਿੱਤਾ ਗਿਆ | ਸਨਮਾਨ ਪ੍ਰਾਪਤ ਕਰਨ ਉਪਰੰਤ ਡਾ: ਥਿੰਦ ਨੇ ਸਿਰਜਣਾ ਕੇਂਦਰ ਵੱਲੋਂ ਉਨ੍ਹਾਂ ਦੇ ਸਨਮਾਨ ਵਿਚ ਸਮਾਗਮ ਕਰਵਾਉਣ ਲਈ ਸਿਰਜਣਾ ਕੇਂਦਰ ਦੇ ਅਹੁਦੇਦਾਰਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ | ਉਨ੍ਹਾਂ ਭਾਵੁਕ ਹੁੰਦੇ ਕਿਹਾ ਕਿ ਦੇਸ਼ ਵਿਦੇਸ਼ ਵਿਚ ਮਿਲੇ ਮਾਨ ਸਨਮਾਨ ਨਾਲੋਂ ਉਨ੍ਹਾਂ ਨੂੰ ਇਹ ਪੁਰਸਕਾਰ ਲੈ ਕੇ ਵੱਧ ਸਕੂਨ ਮਿਲ...