ਮਾਤ ਭਾਸ਼ਾ ਸਾਡੀ ਏ ਚਾਹੀਦੀ ਸਾਨੂੰ ਪੜ੍ਹਨੀ, ਠੱਟੇ ਵਾਲੇ ਕਿਹੜੀ ਗੱਲੋਂ ਪਈ ਗੱਲ ਕਰਨੀ।

ਅੰਗਰੇਜ਼ੀ ਸਕੂਲਾਂ ਵਿੱਚ ਪੜ੍ਹਾ ਕੇ ਅਸੀਂ ਬੱਚੇ,

ਆਪਣੇ ਹੀ ਪੈਰਾਂ ਤੇ ਮਾਰ ਲਈ ਕੁਹਾੜੀ।
ਰਹਿ ਗਏ ਉਹ ਤਾਂ ਪੰਜਾਬੀ ਵੱਲੋਂ ਕੱਚੇ,
ਫਟਾ-ਫਟ ਬੋਲਦੇ ਅੰਗਰੇਜ਼ੀ ਦੇ ਲਫਜ਼।
ਪੰਜਾਬੀ ਪੜ੍ਹਦੇ ਨੇ ਅੱਖਰ ਜੋੜ ਜੋੜ ਕੇ,
ਖੱਟਿਆ ਏ ਕੀ ਭਲਾ, ਮੈਨੂੰ ਦੱਸੋ ਅਸੀਂ।
ਪੰਜਾਬੀਓ ਪੰਜਾਬੀ ਵੱਲੋਂ ਮੁੱਖ ਮੋੜ ਕੇ।
ਮੰਨਿਆ ਕਿ ਪੜ੍ਹਨੀ ਅੰਗਰੇਜ਼ੀ ਵੀ ਜ਼ਰੂਰੀ ਏ,
ਵਿਦੇਸ਼ਾਂ ਵਿੱਚ ਜਾ ਕੇ ਗੱਲ ਸਮਝ ਲੈਂਦੇ ਪੂਰੀ ਏ।
ਗੋਰਿਆਂ ਦੇ ਨਾਲ ਜਦੋਂ ਕਰਦੇ ਆ ਕੰਮ,
ਕਰਦੇ ਆ ਮੋਢੇ ਨਾਲ ਮੋਢਾ ਜੋੜ ਕੇ।
ਖੱਟਿਆ ਏ ਕੀ ਭਲਾ ਮੈਨੂੰ ਦੱਸੋ ਅਸੀਂ,
ਪੰਜਾਬੀਓ ਪੰਜਾਬੀ ਵੱਲੋਂ ਮੁੱਖ ਮੋੜ ਕੇ।
ਮਾਤ ਭਾਸ਼ਾ ਸਾਡੀ ਏ ਚਾਹੀਦੀ ਸਾਨੂੰ ਪੜ੍ਹਨੀ,
ਠੱਟੇ ਵਾਲੇ ਕਿਹੜੀ ਗੱਲੋਂ ਪਈ ਗੱਲ ਕਰਨੀ।
ਮਤਰੇਈਆਂ ਵਾਂਗੂੰ ਕਰਦੇ ਸਲੂਕ ਇਹਦੇ ਨਾਲ,
ਤਾਹੀਓਂ ਬੈਠੇ ਸਾਰੇ ਇਹਦੇ ਨਾਲੋਂ ਨਾਤਾ ਤੋੜ ਕੇ,
ਖੱਟਿਆ ਏ ਕੀ ਭਲਾ ਮੈਨੂੰ ਦੱਸੋ ਅਸੀਂ,
ਪੰਜਾਬੀਓ ਪੰਜਾਬੀ ਵੱਲੋਂ ਮੁੱਖ ਮੋੜ ਕੇ।
-ਦਲਵਿੰਦਰ ਠੱਟੇ ਵਾਲਾ