ਪਿੰਡ ਠੱਟਾ ਨਵਾਂ ਵਿਖੇ ਪੀਰ ਬਾਬਾ ਮੱਖਣ ਸ਼ਾਹ ਦੀ ਯਾਦ ਵਿੱਚ 58ਵਾਂ ਦੋ ਰੋਜ਼ਾ ਸਾਲਾਨਾ ਸੱਭਿਆਚਰਕ ਮੇਲਾ ਸਮੂਹ ਇਲਾਕਾ ਨਿਵਾਸੀ ਅਤੇ ਵਿਦੇਸ਼ੀ ਵੀਰਾਂ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਮਿਤੀ 22 ਅਤੇ 23 ਜੁਲਾਈ 2026 ਨੂੰ ਬਹੁਤ ਹੀ ਧੂਮਧਾਮ ਨਾਲ ਕਰਵਾਇਆ ਜਾ ਰਿਹਾ ਹੈ। ਸੇਵਾਦਾਰਾਂ ਨੇ ਵਿਸ਼ੇਸ਼ ਤੌਰ ਤੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਝੰਡਾ ਚੜ੍ਹਾਉਣ ਦੀ ਰਸਮ ਸਮੂਹ ਮੇਲਾ ਕਮੇਟੀ ਵੱਲੋਂ ਮਿਤੀ 22 ਜੁਲਾਈ ਨੂੰ ਸਵੇਰੇ 10 ਵਜੇ ਅਦਾ ਕੀਤੀ ਜਾਵੇਗੀ ਅਤੇ ਮਹਿੰਦੀ ਦੀ ਰਸਮ ਉਸੇ ਦਿਨ ਸ਼ਾਮ 6 ਵਜੇ ਹੋਵੇਗੀ। ਉਪਰੰਤ ਨੱਕਾਲ ਪਾਰਟੀ ਅਤੇ ਗਾਇਕ ਹਾਜ਼ਰੀ ਲਵਾਉਣਗੇ। ਮਿਤੀ 23.07.2026 ਨੂੰ ਕੱਵਾਲੀਆਂ ਅਤੇ ਗਾਇਕ ਹਾਜ਼ਰੀਆਂ ਲਗਵਾਉਣਗੇ ਜਿਸ ਵਿੱਚ ਰਾਂਝਣ ਅਲੀ, ਸਾਹਿਲ ਖਾਨ, ਜੌਹਲ ਕਾਦਰਪੁਰੀਆ ਅਤੇ ਜੋਤੀ ਬਾਲਾ, ਵਰਿੰਦਰ ਦਾਨੇਵਾਲ ਜੈਸਮੀਨ ਜੱਸੀ ਨੱਕਾਲ ਪਾਰਟੀ ਅਤੇ ਜੱਸਾ ਫਤਹਿਪੁਰੀਆ ਆਪਣੇ ਫਨ ਦਾ ਮੁਜ਼ਾਹਰਾ ਕਰਨਗੇ। ਇਸ ਮੌਕੇ ਬਾਬਾ ਜੀ ਦਾ ਲੰਗਰ ਅਤੁੱਟ ਵਰਤੇਗਾ।